Eis Seniorenresidenzen bidden Iech Wunnengen un, déi op Är Bedierfnesser adaptéiert sinn, mat enger Fleeg- a Gesondheetsbetreiung duerch eist qualifiéiert Personal, dat op der Plaz present ass. An enger Päiperléck-Residenz ze wunne bedeit och, vun enger Rei vun „À la Carte“- a Forfaitsprestatiounen ze profitéieren.

An eiser Ambitioun, Iech eng transparent Präisstruktur unzebidden, sinn all weesentlech Leeschtungen an eise Locatiounspräisser inklusiv. Zousätzlech Prestatioune „À la Carte“ a Forfaitsangeboter ginn Iech och mat enger eegener Präisgestaltung ugebidden.

Eise Service Admissions informéiert Iech iwwer d’Léisung, déi Ärer perséinlecher Situatioun am beschte gëeegent ass, woubäi se verschidde Krittäre berécksiichtegt (Bedarf un Hëllef a Fleeg, Standuert, finanziell Komponenten).

Bannent eise méintleche Pensiounspräisser sinn di folgend Standardprestatiounen inklusiv:

• Studioen an Appartementer, déi zur Locatioun ugebidde ginn*
• Vollpensioun, mat 3 Haaptmoolzechten an ee Snack am Dag
• Fleegebetreiung duerch eist qualifizéiert Personal 24/7
• Telealarm System
• Lounniewekäschten (Waasser, Stroum, Heizung a Poubellë)
• Abonnementer fir Fernsee, Telefon an Internet (Ausnam Seniorenresidenz „Am Park“)
• D’Wäsche vun net-perséinlecher Wäsch
• Kontroll, Virbereedung a Verdeelung vu Medikamenter
• Empfang- a Concierge-Service 7 Deeg an der Woch
• Aktivitéiten an Animatiounen, déi an eisen Dagesfoyeren ugebidde ginn

*D’Locatiounspräiser kënne jee no Gréisst vun der Wunneng variéieren

Wéi bei jiddwer privater Verlounung gitt Dir gebidden, eng Assurance obligatoire fir d’privat Ariichtung (Miwwel, Wäertgéigestänn) ofzeschléissen.

Pauschal- an « À la Carte »-Prestatioune gi separat facturéiert an kenne folgend abegräifen:

• Ee Forfait fir perséinlech Wäsch
• D’Locatioun vun enger Garage oder enger Place de Stationnement (jee no Residenz)
• Eng eemoleg Gebühr fir den Transfert oder d’Aktivatioun vun enger Telefonsnummer
• Coiffeurs‘ a Pedikursprestatiounen
• Moolzechten am Zëmmer fir de perséinleche Confort
• Service de Transport fir perséinlech Grënn oder Doktersvisiten
• Moolzecht fir Gäscht
  
  

*Net exhaustiv Lëscht a kann ugepasst ginn

Wann Dir an enger Päiperléck Seniorenresidenz lieft, hutt Dir d’Méiglechkeet vun der Fleeg an Nuetswaach duerch eist qualifizéierte Personal ze profitéieren, dat 24/7 do ass.

Eis personaliséiert an individuell Approche baséiert op enger Aschätzung vun Ärer Selbststännegkeet an Är Schwieregkeeten am Alldag.

Op Presentatioun vun enger Ordonnance médicale oder am Kader vun enger Prise en Charge duerch d’Fleegeversecherung, féiert eis multidisziplinär Ekipp eng Rei vu Leeschtungen duerch, déi ënner anerem d’Folgend ëmfaasst:

• Krankefleegerësch Handlungen,
• Hëllef bei grondleeënd Liewensverrichtungen (Hygiène, Ausscheedung, Ernierung, Kleedung a Mobilitéit),
• Physiotherapie, Ergotherapie, Ernärungsberoodung, Logopedie an ee psychologesche Suivi, ëm eng perséinlech Betreiung ze leeschten.
  
  

Dës Prestatiounen ginn ganz oder deelweis vun der Krankeversécherung (CNS) oder der Fleegeversécherung iwwerholl a sinn fir den Awunner ouni weider Käschten (ausser Drëttbezueler zu Laaschte vum Awunner).

Fir Dokter- an/oder Fachdoktersvisite muss den Awunner selwer bezuelen, woubäi d’Remboursementsreegelen duerch d’CNS mat identesch sinn wéi wann den Awunner bei sech doheem liewe géing.

Zéckt net, Iech mat eisem Service Admissions a Kontakt ze sëtzen (admissions@paiperleck.lu), déi Iech bei all Fro zur Säit stinn an Iech bei all Schratt begleeden, déi Dir, ee Familljemember oder een aus Ärem Ëmfeld ënnerhuele muss.