Eis Appartementer hunn eng Wunnfläch vun 44m² bis 95m², a komme mat enger Stuff, enger Schlofkummer, ee Buedzëmmer mat Dusch an Toilette, souwéi eng Kitchenette an ee Balcon.

D’Appartementer sinn och mat Sécherheetsdieren souwéi engem internen Telealarm System ekipéiert.

D’Wunnenge ginn ouni Miwwel zur Verfügung gestallt an Dir hutt d’Méiglechkeet, Äre Liewensraum Ärem Geschmaach an Ärer Personalitéit no anzeriichten andeem Dir Är eege Miwwel a perséinlech Géigestänn matbréngt.

D’Résidence Les Jardins de Schengen proposéiert Iech och ee Begleedungsservice an eist qualifizéiert Personal begleet Iech wärend Ären alldeeglechen Aktivitéiten, sief et fir eng Visitt beim Dokter, eng Demarche bei de Behörden oder kleng Reparaturen an Ärer Wunneng.

An der Résidence Les Jardins de Schengen ze liewe bedeit, vun de folgende Prestatiounen ze profitéieren:

• Vollpensioun:
  • Kaffisbuffet mat Kaffi an/oder Téi & Waasser,
  • Mëttegiesse mat Entrée & Haaptplat & Dessert & Waasser,
  • Mëttegskaffi mat Kaffi an/oder Téi & Dessert,
  • Owesiesse mat Kaffi an/oder Téi a Waasser
    
    

• Lounniewekäschten: Waasser, Stroum, Heizung, Poubellë
• Den Accueil ass 7 Deeg an der Woch besat
• Abonnementer fir Fernsee an Telefon
• Abonnement Internet
  (falls zoutreffend a jee no technescher Disponibilitéit)

Dir profitéiert vun enger Fleegebetreiung an Nuetswaach duerch eist qualifizéiert Personal dat 24/7 op der Plaz ass.

Eis multidisziplinär Ekipp bitt Iech eng Rei vu Leeschtungen un, dorënner Physiotherapie, Ergotherapie, Ernärungsberodung an therapeutesch Aktivitéiten, déi speziell op Är Bedierfnesser ugepasst sinn.

Eis multidisziplinär Ekippe beroden a betreien Iech. Eise personaliséierten an individuellen Usaz berout op enger Bewäertung vun Äre Fäegkeeten a Schwieregkeeten am deegleche Liewen.

Mir gräife reegelméisseg oder punktuell mat Hëllef vu Rehabilitatiounssëtzungen an alle Beräicher vun Ärem deegleche Liewen an (Hygiène an Hëllefe fir d’deeglecht Liewen, Ernärung, Mobilitéit a sozial Aktivitéiten).

D’Expertis, déi vun eise multidisziplinären Ekippen ugebidde gëtt, offréiert eng ugepassten a sécher Ëmgéigend an der eis Awunner en zugläich stimuléierenden a friddlechen Alldag erliewen an hir Selbststännegkeet fuerdere kënnen.

Eis Dagesfoyeren si geselleg an aluedend Treffpunkten a bidden eng héichwäerteg Betreiung daagsiwwer.

Eng qualifizéiert Ekipp bitt Iech eng Panoplie un therapeuteschen a sozialen Aktivitéiten un. D’villfältegt Fräizäitangebot fir eis Awunner ëmfaasst ënner anerem Kach-, Gesang- a Bitzworkshopen… Spillnomëtteger, Concerten, Tanzteeën esouwéi d’Entdeckung an Opnam vu lokale Gruppen: Spillschoulen, Schoulen, asw…

Ëm Ären Alldag ze vereinfachen, bidden eis Dagesfoyeren ee Shuttle-Service un, ëm d’Betreiung vun Ärem Wunnuert aus sécher ze stellen.

Eist Zil: Iech een erfëllend Sozialliewen ze bidden a gläichzäiteg fir d’Oprechterhaalung an d’Kontinuitéit vun der Fleeg ze suergen.

De Restaurant Maus Ketty befënnt sech um drëtte Stack vun der Residenz a wëllkommt eis Awunner, hir Famill souwéi hier Frënn d’ganz Woch laang.

An enger moderner Atmosphär mat Bléck op d’lëtzebuergesch Musel bitt de Restaurant eisen Awunner eng qualitativ Kichen, an der den Accent op frësch, ofwiesslungsräich a saisonal Produite gesat gëtt. Eis Platen sinn alleguer hausgemaach an d’Verwendung vu lokale Produiten erméiglecht et eis, flexibel ze bleiwen an op d’Wënsch vun eisen Awunner ze äntweren.

Eis Ambitioun leit doranner, eisen Awunner a Gäscht lëtzebuergesch Spezialitéite mat Produkter aus der einheimescher Landwirtschaft souwéi lecker Saisonsplaten unzebidden.