D’Offer un Vakanzebetter riicht sech haaptsächlech un dräi Situatiounen:

• Familljen, déi eng fleegebedierfteg Persoun betreien an temporär an d’Vakanz goe wëllen, oder déi sech erhuele wëllen.
  
  
• Persounen, déi sech no engem Spidolsopenthalt an enger Rehabilitatioun oder Genesung nach net prett fillen erëm zeréck Heem ze goen.
  
  
• Eeler Persounen, déi sech gäre mat enger Fleegestruktur méi vertraut wëlle maachen.
  
  

Eist Ziel ass, en Openthalt fir Clienten ze erméiglechen, déi wärend hirer Vakanz net op eng fleegeresch Betreiung verzichte kënnen oder wëllen.

Eis qualifizéiert Ekipp begleet Iech bei Besoin 24/7 a suergt fir eng héichwäerteg Betreiung a garantéiert en Openthalt ouni Suergen.