Sech wuel fillen am Alter an aller Geloossenheet

Eis Appartementer a Studioen hunn eng Wunnfläch vu 27m² bis 52m². Si verfügen iwwer eng Stuff, e Buedzëmmer mat Dusch an Toilette, esouwéi eng Kitchenette.

D’Appartementer bidden en separat Schlofzëmmer un, wärend bei de Studios d’Schlofzëmmer an de Living integréiert ass. D’Wunnenge sinn och mat Sécherheetsdiere souwéi engem internen Telealarm System ekipéiert.

Fir datt eis Awunner sech wéi doheem fillen, sinn d’Wunnengen onmiwweléiert an eis Bewunner kënnen hire Liewensraum no hire Goûten an hire Perséinlechkeete personaliséieren, an hire Miwwelen a perséinlechen Objete matbréngen.

D’Seniorenresidenz Bel-Âge bitt Iech och ee Vakanzezëmmer un, fir Iech ze erlaben, d’Liewen an enger Residenz kennenzeléieren.

An der Seniorenresidenz Bel-Âge ze liewen, bedeit och d’Méiglechkeet ze hu vun enger professioneller Betreiung ze profitéieren di 24/7 op der Plaz ass.

Fir Är komplett Geloossenheet huet Dir d’Méiglechkeet ee komplementare Vertrag fir d’Fleegebetreiung ofzeschléissen.

An der Seniorenresidenz Bel-Âge ze liewe bedeit, vun de folgende Prestatiounen ze profitéieren:

• Wäsche vun der net-perséinlecher Wäsch
  (Bettwäsch an Handdicher gi vun eis zur Verfügung gestallt)
• Lounniewekäschten : Waasser, Stroum, Heizung, Poubellë
• Den Accueil ass 7 Deeg an der Woch besat
• Telealarm

Fir Äre komplette Wuelbefannen, proposéiere mir Iech eng Réi un zousätzlech Leeschtungen “À la Carte”:

• Forfait Gourmet
• Forfait Culinaire
• Forfait Haushalt
• Individuel Versuergung vun Ärer Wäsch
• Abonnementer fir TV, Telefon an Internet
• Leeschtungen Coiffer / Pedikür / Manikür
• Zousazleeschtungen Fleeg “À la Carte”

Eis Tariffer fir di eenzel Zousazleeschtunge fannt Dir an eiser Präislëscht di op eiser Websäit erof geluede ka ginn.

Fleeg & Betreiung

Dir profitéiert vun enger Fleegebetreiung an Nuetswaach duerch eist qualifizéiert Personal dat 24/7 op der Plaz ass.

Eis multidisziplinär Ekipp bitt Iech eng Rei vu Leeschtungen un, dorënner Physiotherapie, Ergotherapie, Ernärungsberodung an therapeutesch Aktivitéiten, déi speziell op Är Bedierfnesser ugepasst sinn.

Eis multidisziplinär Ekippe beroden a betreien Iech. Eise personaliséierten an individuellen Usaz berout op enger Bewäertung vun Äre Fäegkeeten a Schwieregkeeten am deegleche Liewen.

Mir gräife reegelméisseg oder punktuell mat Hëllef vu Rehabilitatiounssëtzungen an alle Beräicher vun Ärem deegleche Liewen an (Hygiène an Hëllefe fir d’deeglecht Liewen, Ernärung, Mobilitéit a sozial Aktivitéiten).

D’Expertis, déi vun eise multidisziplinären Ekippen ugebidde gëtt,

offréiert eng ugepassten a sécher Ëmgéigend an der eis Awunner en zugläich stimuléierenden a friddlechen Alldag erliewen an hir Selbststännegkeet fuerdere kënnen.

Aktivitéiten & Animatiounen

Eisen agreéierten Dagesfoyer Bel-Âge empfänkt Iech méindes bis freides vun 8.30 bis 17.00 Auer a bitt eisen Awunner eng Rei vun Aktivitéiten an Animatiounen an enger frëndlecher a berouegend Atmosphär.

Eis Dagesfoyeren si geselleg an aluedend Treffpunkten a bidden eng héichwäerteg Betreiung daagsiwwer.

Eng qualifizéiert Ekipp bitt Iech eng Panoplie un therapeuteschen a sozialen Aktivitéiten un. D’villfältegt Fräizäitangebot fir eis Awunner ëmfaasst ënner anerem Kach-, Gesang- a Bitzworkshopen… Spillnomëtteger, Concerten, Tanzteeën esouwéi d’Entdeckung an Opnam vu lokale Gruppen: Spillschoulen, Schoulen, asw…

Ëm Ären Alldag ze vereinfachen, bidden eis Dagesfoyeren ee Shuttle-Service un, ëm d’Betreiung vun Ärem Wunnuert aus sécher ze stellen.

Eist Zil: Iech een erfëllend Sozialliewen ze bidden a gläichzäiteg fir d’Oprechterhaalung an d’Kontinuitéit vun der Fleeg ze suergen.